[Russice]

Num unquam agitavistis in animo, quantae feles in mundo sunt? Paginae electronicae in http://zooclub.ru "Zooclub" inscriptae responsum ad hanc et alias similes quaestiones publicant. Viri periti Studiorum Universitatis Lugdunensis (in Francogallia) ad investigationem quaestionis operam dant, quantus sit numerus felium in planeta nostra habitantium. Declaratum est 400 000 (quadringetas miliones) animalium illorum venustissimorum domesticorum in planeta nostra degere, praeterea maximum eorum numerum in Civitatibus Unitis Septentrionalis Americae (USA) contineri. Nihilominus, palma danda est Australiae, ubi omnes incolae decem novenas feles in domibus suis habent. In continente Asiatica principatum obtinuit Indonesia, ibi plus quam 30 000 (triginta miliones) feles vivunt. Eodem tempore sunt etiam terrae ut e.g. (exempli gratia) Peruvia et Gobonia, ubi tibi feles domestica quasi nunquam obviam fiet.
Praeter varios nuntios et commentarios in dictis paginis sub nonnulas rubricas aliis etiam animalis dedicatas, pinacothecam imaginum photographicarum et de piscatione commentariolos inveniri possunt. Sub rubrica "Communicationis" medicos veterinarios peritissimos consulere potes, certamine participare, in amicorum circulo coversari, atque etiam narratiunculam tuam de vita animalis tui domestici familiarissimi mittere.